Serây-ı Devletin Dârü'l-emândır Yâ Resûlallah

21 Ocak 2019 tarihinde yayınlanmıştır.

NA'T-I ŞERÎF

Serây-ı devletin dârü'l-emândır yâ Resûlallah

Metâf-ı bûsegâh-ı ins ü cânndır ya Resûlallah

Seray-ı dâr-ı bâb-ı rif'atin Dârâ vü şâh-i Cem

Kapunda pâdişehler pâsbândır yâ Resûlallah

Gubâr-ı hâkpâyın lâ-cerem iksîr-i a'zamdır

Cilâ-yı dîdhâ-yı kudsiyândır ya Resûlallah

Hilâl-âsâ gam-ı aşkınla lâgar olsa bir 'âşık

Dü 'âlemde müşârün-bi'l-benândır yâ Resûlallah

Mübârek ravzana ihlâs ile yüz süren 'ârifler

Ser-efrâz-ı gürûh-ı 'ârifândır ya Resûlallah

Şehâ 'ısyânıma nisbetle kûh-i kâf bir zerre

Egerçi zâhiren cürmüm nihândır ya Resûlallah

Yüzüm kâre günehkârem velî Müştâk-ı dîdârem

Günehkâre şefâ'at râyegândır ya Resûlallah

Hudâ'dan havf edüp şaşdım gelüp dergâhına düşdüm

Serây-ı devletin dârü'l-emândır yâ Resûlallah

Müştâk Baba

Kuddise Sırruh