MuzafferOzak.com (Türkçe)

NUTK-İ ŞERÎF

Sergüzeştimi dilâ başdan aşan gamdan sor

Mâcerâmı görüş ol dîde-i pür-nemden sor

Ehl-i sevdâ niçün ağlar ü niçün kâre giyer

Haber al Ka'be'den esrârını zemzemden sor

Kerbelâ'dan haber al ehl-i belâ çekdiğini

Ne cefâ eylediler Mâh-ı Muharrem'den sor

Cennet ehli ne bilir hâlini Mervânîlerin

Sen Mu'âvîleri şeytân-ı cehennemden sor

Ehl-i dilden haber al 'aşkı ne anlar vâ'iz

Ne bilir har haber-i cenneti Âdem'den sor

Feyz-i Rûhu'l-Kudüs'ün "mâ hüve keyf"in ey cân

Nefes-i nefs-i Mesîhâ leb-i Meryem'den sor

Ey Nigârî harem-i Ka'be-i 'uşşâka yürü

Ehl-i dilden haber al dilber-i mahremden sor

Seyyid Hamza Nigârî

Kaddesallahu Sırrahu'l-Âlî

Sergüzeştimi Dilâ Başdan Aşan Gamdan Sor