MuzafferOzak.com (Türkçe)

NUTK-İ ŞERÎF

Şeş cihetden el çekenler bî-cihet bir kân olur

Ref' idüp 'unsur hicâbın kul iken sultân olur

Varmasız u gelmesiz bî-cism kalb içre çün

Bu makâm-ı 'âlî içre Hakk ana mihmân olur

'Akl irişmez bu edâya kim bu yerde zâhidâ

Nice yüz bin 'akl-ı sâlik vâlih u hayrân olur

Kanı bir Mansûr-ı 'âlem kim bu nazm-i pâkimi

Anlayup ol dâre berdâr olmağa kurbân olur

Merd isen fehm it kelâmım kim bu meyden içmeyen

Ayılup gaflet meyinden sanma ki insân olur

Bulmasa bir kes mürebbî nefsin idrâk itmeyüp

'Alem-i kalbe irişmez sırr-ı sergerdân olur

Cümleden 'ibret budur kim Nakşiyâ nazmın senin

Münkire küfr ü dalâlet mü'mine îmân olur

Nakşî-i Akkirmânî

Kuddise Sırruh

Şeş Cihetden El Çekenler Bî-cihet Bir Kân Olur