Sîneden Câmesini Çözse Ol Âfet Kat Kat
3 Ağustos 2024 tarihinde yayınlanmıştır.
NUTK-İ ŞERÎF
Sîneden câmesini çözse ol âfet kat kat
Açılır san ki gül-i bâġ-ı letâfet kat kat
Gören ol hâtt-ı siyâh üzre didi kâkülünü
Hey meded gün yüzünü ķapladı zulmet kat kat
Ahmak u echel ü ednâyı tutar rıf'atda
İşbu devr içre felek itdi denâet kat kat
Sîne-ber-sîne vü leb-ber-leb olagör 'âşık
Diler isen ki ola mihr ü mahabbet kat kat
Bu Rusûhî bilir ey sôfî kitâb-ı 'aşkı
Kim anın her varakın itdi kırâat kat kat
İsmâil Ankaravî
Kuddise Sırruh