Sırr-ı Aşk
22 Eylül 2018 tarihinde yayınlanmıştır.
NUTK-İ ŞERÎF
Dinle imdi sırr-ı aşkdan âşikâr
İdelim çeng sûretinde kıl şikâr
Gerçi fâş hakkıyla kimse idemez
Kend'özünden kör gibidir gidemez
Avn-ı Hâlık ire andan bu beyân
Kıla bir zerre görüne ol ayân
Tâ ki bî-derde irişe derd-i aşk
Andelîbe hem ola ol verd-i aşk
Çün ki sayru olmayınca kimesne
Sıhhatı kılmaz taleb döne döne
Kıymetin bilmez sahîh ol sıhhatin
Nitekim devletlü bilmez devletin
Devletinden düşmeyince ey fakîr
İr bu sırra altun ol olma bakır
Tâlib ol bir sıhhatı ki ona zevâl
Yok durur işit bunu ey ehl-i kâl
Ne durur ol sıhhatin ne ile anı
Tahsîl ider deyiver dervîş ganî
Yok eğer bilmezsen öğren anı sen
Bir bilirden kim o cândır teni sen
Tâ ki cânından senin aşk âşikâr
Teslîm olursan ola tâlib şikâr
Şeyh Cemâl-i Halvetî
Kuddise Sırruh