Sırr-ı Vahdetden Alaldan Sırr-ı Pâkim Neş'eyi
28 Aralık 2024 tarihinde yayınlanmıştır.
NUTK-İ ŞERÎF
Sırr-ı vahdetden alaldan sırr-ı pâkim neş'eyi
Hamdülillah bahre irgürdüm vücûd-ı katreyi
Matla'-ı bezm-i ezelden doğdu vahdet mihri çün
Mahv idüb zerrât günü zâil itdi perdeyi
Mahv-ı tâmma irgürüp Dost almış iken cânımı
Vasl-ı cânân ile ihyâ eyledi ben mürdeyi
Çün 'inâyet eyledi ol pâdişah-ı lâ-yezâl
Eyledi mesrûr u şâdân fazlı ile bendeyi
Eyle Bîçâre demâdem şükür ol Hallâk'a kim
Katreyi 'ummân ider insân idüpdür nutfeyi
Abdullah Bîçâre
Kuddise Sırruh