Sırr‐ı Hakk'ı Nicesi Fâş Eyleyem Ben Ey Sikât
18 Haziran 2023 tarihinde yayınlanmıştır.
NUTK-İ ŞERÎF
Sırr‐ı Hakk'ı nicesi fâş eyleyem ben ey sikât
K'anı ancak remz ile etmiş beyân ehl‐i nikât
Her ne denlü âşikâr etsem hafâsın artırır
Ol 'ayân iken anı örter delâil beyyinât
Anı tevhîd eylemez illâ ki şirk ehli eder
Vahdet‐i Hakk'ı duyanın dili lâldir aklı mât
Her ne kim fevka'l‐ulâ tahte's‐serâda var durur
Zât‐ı vâhiddir velî göründü nice bin sıfat
Zâtı birdir lîk evsâfına gâyet yok durur
Gör bu fânûsu ki anın şem'i oldu nûr‐i zât
Zâhir ü bâtın kamusu bir fenerdir gayri yok
Şem'i insân oldu fânûsu cemî' mümkinât
Ey Niyâzî âdem oldu çün cihânın şu'lesi
Bahş olur âdem deminden 'âleme rûhu'l-hayât
Niyâzî Mısrî
Kuddise Sırruh