Sivâ Kaydından Eyle Bizi Âzâd
27 Nisan 2022 tarihinde yayınlanmıştır.
MÜNÂCÂT
Sivâ kaydından eyle bizi âzâd
Dil-i vîrân ola vaslınla âbâd
kamu ahvâlimiz fazlına mevkûf
'Ademden nice kıldın ise îcâd
Hicâb-ı zülfünü ref' et yüzünden
Şeb ü rûzumuz ola Kadr u a'yâd
Harîm-i vaslına mahrem idi cân
Dahi urulmadan bu kevne bünyâd
Şühûd-i nûr-i zâtın eyle ihsân
Bu ihsâna bizi kıldın çü mu'tâd
Dil-i mahzûnumuz bulsun sürûru
Olalım rü'yetinle dembedem şâd
Ererdi şems-i vaslına Fenâyî
Cenâbından olursa zerre imdâd
Ehl-i Cennet Fenâyî Mehmed Efendi
Kaddesallahu Sırrahu'l-âlî