Sôfî Bırakup Sübhayı Peymâne-be-dest Ol
28 Aralık 2023 tarihinde yayınlanmıştır.
NUTK-İ ŞERÎF
Sôfî bırakup sübhayı peymâne-be-dest ol
Ver zühdünü yağmâya mey-i 'aşk ile mest ol
Pür kalma surâhî gibi telh-âb-ı sivâdan
Sifâl-ı melâmet gibi bî-mağz u şikest ol
Bul Rabbini bil vahdet-i Mevlâ-yı cihânı
Yâd-âver-i hengâme-i peymân-ı elest ol
Büthâne ider Ka'be'yi çün hod-perestân
Kıl deyri görüp Ka'be sen Allah-perest ol
Ser-menzil olur seyrine Şems 'âlem-i bâlâ
Ruh-sây-ı sücûd eyle düşüp hâkde pest ol
Osman Şems Efendi
Kuddise Sırruh