Sôfî İsen Ey Sâfî Ver Varlığı Talana
4 Mayıs 2021 tarihinde yayınlanmıştır.
NASÎHAT
Sôfî isen ey sâfî ver varlığı talana
Pervâneye yanmakdan ger çekse paravana
Reşk etme bu dünyânın ârâyişine hergiz
Çünki bu cihân yalan vergil anı yalana
İhrâm-ı fenâ bağlan gir bâdiye-i 'aşka
Er ka`be-i kûyuna ver cânını kurbâna
Meydân içinde çevgân-ı rızâ iste
Vâr ise ser-i sa'dın top eyle bu çevgâna
Bu dâm-ı ta'allukdan sa'y eyle halâs olgıl
Gayret kuşağın berkit gir bu yola merdâne
Bülbül gibi kıl efgân tâ eşk ola âsân
Gülzâr-ı rızâ iste aldanma bu külhâna
Sahrâ-yı hüviyyetde kıl seyr-i ma'allâh
Çık hâne-i unsurdan cisr olma bu zindâna
Zâhid bana ta'n etse medhin okugıl ma'zûr
Gırra-i zühd ile benzer sözü hayrâna
Bîrûn olan duymaz meclisde olan hâli
Duymadı bunu Şemsî illâ yine mestâne
Şemseddîn Sıvâsî
Kuddise Sırruh