Sôfî ki Riyâ İle Eder Kendüyi Mevsûf

11 Temmuz 2020 tarihinde yayınlanmıştır.

HİKMET

Sôfî ki riyâ ile eder kendüyi mevsûf

Evkât-i şerîfi ola taklîd ile masrûf

Minberde hatîb ola vü mahfilde mu'arrif

'Âr eylemeye olduğuna cehl ile ma'rûf

Âyîne-i kalbini küdûret ede tîre

Rûşenleri feyz-i Hakk ile olmaya mekşûf

Cem'-i kütüb etmekle ne mümkün ola vâkıf

Esrâr-ı Hudâ'ya ki ola ol mürşide mevkûf

Cân ü dilinin revzenesi olmaya pür-nûr

Dâim biri mahsûf ola anın biri meksûf

Zâtındaki âsâr-ı kemâl olmaya hardır

Ya şâl-ı siyeh eğnine giymiş ya yeşil sôf

'Âlemde ki kâmil çeke gam zevk ede câhil

Yerden göğe dek yûf bana ger demeyim yûf

Çün hak diyeni eylediler zulm ile berdâr

Bâtıl söze âgâz edelim biz dahi nâçâr

Bağdadlı Rûhî

Rahmetullahi Aleyh