MuzafferOzak.com (Türkçe)

NUTK-İ ŞERÎF

Sohbet-i câhil yeter 'âriflere nâr-ı cahîm
Âhiretde görmesin isterse hiç nâr-ı elîm

Cânını sıtma tutar dil hastası eyler seni
Meclisinde oturursa iki sâ'at bir leîm

Meclis-i câhil burûdet bahşeder dâim hemân
Buz tamusun görmedinse var anınla ol mukîm

Feyz-i ilhâmın kesilsin ders ise ger bir velî
Hemdem olsun meclisinde ana bir câhil sakîm

Kelbe rağbet eyle etme rağbet bunlara sakın
Dediler câhilden evlâ oldu bil kelb-i 'azîm

Dûzahîler çehresini seyr ise maksûd eğer
Çeşme erbâb-ı cehlden çeşmini tut müstakîm

Ehl-i dûzah olduğuna câhilânın Gaybiyâ
Şâhid-i 'âdil bu kim ehl-i Hakk'a olmaz nedîm

Sunullah Gaybî

Kuddise Sırruh

Sohbet-i Câhil Yeter Âriflere Nâr-ı Cahîm