Şol Nefes Emrin İle Fânî Cihândan Gidicek
24 Ocak 2020 tarihinde yayınlanmıştır.
MÜNÂCÂT
Şol nefes emrin ile fânî cihândan gidicek
Sen kerem eyle ilâhî bize ol demde meded
Gülşen-i cennete cân bülbülü pervâz edicek
Sen kerem eyle ilâhî bize ol demde meded
Ger kerem ere cenâbından eyâ Rabb-i Rahîm
Gelmeye yanımıza tard ola şeytân-ı racîm
Pâk ü tâhir varalım Hazret'e bâ kalb-i selîm
Sen kerem eyle ilâhî bize ol demde meded
Bir zamân ola fenâ bula semâvât ile arz
Ne iyi kala ne kem kala ne hod tûl ile arz
Şimdiden etdi Hüdâyî tapuna hâlini arz
Sen inâyet et Efendi bize ol demde meded
Azîz Mahmûd Hüdâyî
Kaddesallahu Sırrahu'l-Âlî