Sormadı Hâlimizi Gelmedi Bir Yânımıza
11 Şubat 2024 tarihinde yayınlanmıştır.
NUTK-İ ŞERÎF
Sormadı hâlimizi gelmedi bir yânımıza
İltifât eylemedi hâl-i perîşânımıza
Ne idek çâre nedir âh rızâdan gayrı
Çekdi tuğrâ-yı kader hicr ile fermânımıza
Nice âh eylemeyem şâm u seher kim tutuşup
Cüz-be-cüz hâne-i dil-nâr dolaşup cânımıza
Bilse ger şâm u seher gir ziyâret eyle
Yandırır cân çeker âteş-i dil-i sûzânımıza
Âh kıl ey dil-i firkat-zede zîrâ bir gün
Meded-i yâr gelir gam yime efgânımıza
N'ola bir ehl-i kerâmet kıla izhâr-ı hüner
'Arz-ı ahvâlimizi eyleye sultânımıza
Sâkî meyhâne mînâ görmesün âsîb-i zevâl
Değmesin 'ayn-ı kemâl neş'e-i devrânımıza
Bahtımız işledi bir yahşi yaman göz yetişüp
Vuslat el virdi ki ol değdi bu hicrânımıza
Müjde ey Mîr Nigârî görünür menzil-i yâr
Cân nisâr eyleyelim himmet-i sârbânımıza
Seyyid Hamza Nigârî
Kaddesallahu Sırrahu'l-Âlî