MuzafferOzak.com (Türkçe)

NUTK-İ ŞERÎF

Şular kim mâlik-i dînâr-durur dînârı almazlar

Bulanlar dürr-i yektâ mühre-i bâzârı almazlar

Ururlar 'âkıbet zerri mihekke imtihân içün

Bilir sarrâf olanlar nakd-i kem mi'yârı almazlar

Çü yokdur bir dırahtın mîvesi bî-bârı neylerler

Gül-i sadbergi terk idüp hezârân hârı almazlar

Hakîkat ehline 'ilm-i rüsûmu 'arz idüp durma

Yürü anlar koyup helvâyı zehr-i mârı almazlar

Serây-ı sînede 'uşşâk olan ma'şûku gözlerler

Ki anlar cisme bakmazlar kuru dîvârı almazlar

Revâcın bulduğu demler gelir elbette ey Hakkı

Dime bu nâfe-i hoş-şemme-i 'attârı almazlar

İsmâil Hakkı Bursevî

Kaddesallahu Sırrahu'l-Âlî

Şular Kim Mâlik-i Dînâr-durur Dînârı Almazlar