Şürûh-i Metn-i Kalbi Ârif-i Mevlâ Olandan Sor
19 Ekim 2023 tarihinde yayınlanmıştır.
NUTK-İ ŞERÎF
Şürûh-i metn-i kalbi 'ârif-i Mevlâ olandan sor
Fütûh-i 'ilm-i vehbî kâşif-i eşyâ olandan sor
Kemâlât ehline muhtâc olur cân gözleri bînâ
Nukûş-i zevrâk-ı zevki dili deryâ olandan sor
Cemâl-i hurşîd-i ma'nâya 'âşık encüm-i eflâk
Zuhûr-i zevk-i dilde vâkıf-ı eşyâ olandan sor
Dilersen Hazret-i Cânân nazargâhı ola gönlün
Tarîk-ı devleti var mest-i bî-pervâ olandan sor
'Aref meyhânesinde ister isen bâde-endâzlık
Mey-i vahdet ile bezm-i ezel şeydâ olandan sor
Gönül mir`ât-ı Mevlâ 'arş-ı a'lâdan mu'allâdır
Anı 'ind-i Hudâ'da kıymeti vâlâ olandan sor
Muhammed Lutfî deryâ-yı keremden ilticâ eyler
Şefâ'at şevketin Ahmed Muhammed Mustafâ'dan sor
Alvarlı Efe Hâce Muhammed Lutfî
Kaddesallahu Sırrahu'l-Âlî