Tâat Silâhını Kuşanup Gözle Doğru Yol
14 Temmuz 2022 tarihinde yayınlanmıştır.
NASÎHAT
Tâ'at silâhını kuşanup gözle doğru yol
Cem' eylemekde ol hasenât 'askerin 'acûl
Şeytân-ı la'în harâmîdir ol hazînenin
Ger derler ise kangı kapudan eder duhûl
Buhl u gadab riyâ vü garaz 'ucb u hubb-i mâl
Kibr ü hased bu kapulardan eder duhûl
İmdi bu kapular ki ola dâimâ küşâd
Şeytân alır hazîneyi sultân olur melûl
Bend et kapuları vü hisâr hendeğin gözet
Zühd 'askerini gönderüp etrâfa kul-be-kul
Düşman hücûm edüp yürüyüş etmesin sakın
İş gâyetle müşkil olur sonra bilmiş ol
Deryâ-yı 'aşka muttasıl olmak gerek hisâr
Tâ sâhilinde hâzır ola keştî-i usûl
Burc-ı 'ibâdet üzre de Allah yek-dürür
Hıfz u hirâset eyle her etrâfı sâğ u sol
Et dâimâ tilâvet-i Kur`ân'a iştigâl
Düşman hezîme ede murâdın ola husûl
Kahr-ı 'adüvv içün oku ba'zı mücerrebât
Serhad-i dil emîn olup ola matlûba vusûl
Bir gün reh-i memâta sefer eyler iktizâ
Sa'y et ki ol seferde ola yârın Allah Hudâ
Seyyid Osman Fazlî Efendi
Kaddesallahu Sırrahu'l-Âlî