Taht-ı Dilde Şeh-i Ma'nâyı Cülûs Etdirelim
9 Haziran 2021 tarihinde yayınlanmıştır.
NUTK-İ ŞERÎF
Taht-ı dilde şeh-i ma'nâyı cülûs etdirelim
Dâmen-i himmetimiz cümleye bûs etdirelim
Verelim sûret-i tedbîri reîs-i 'akla
Hükm-i takdîr ile emrini ruûs etdirelim
Ceyş-i 'uşşâka edüp Rüstem-i 'aşkı sâlâr
'Alem-i âhı diküp sîneyi kûs etdirelim
Bezm-i rindâna çeküp zâhidi cebren kahren
Eline bâde sunup bezm-i küûs etdirelim
'Aşk ile nefsi Sezâyî edelim 'akd-i vidâd
Tıfl-ı dil doğmağiçün rûha 'arûs etdirelim
Hasan Sezâyî
Kuddise Sırruh