Tâk-ı Ebrû-yi Kemânın Dilberâ Mihrâbımız
14 Eylül 2019 tarihinde yayınlanmıştır.
NUTK-İ ŞERÎF
Tâk-ı ebrû-yi kemânın dilberâ mihrâbımız
Kevser-i la'l-i lebindir bâde-i nâ-yâbımız
On sekiz bin 'âlemi hayretde koydun ey güzel
'Aşk ile doldu gönüller kalmadı boş kâbımız
Dergeh-i pîr-i mugândır ka'besi 'âşıkların
Mahrem-i mihr-i muhabbet dilber-i mehtâbımız
Hatt-ı hâlin câm-ı meydir nûş-i hamr-i vahdeti
Etdiler bezm-i elestde müste'id erbâbımız
Mâşâallah hiç ayılmaz bu meyin mestânesi
Hamdülillâh haşr olurlar rind-i şeyh u şâbımız
Bâdenin dürdün çekince mest-i serhôş zindeler
Açılır nûr-i tecellâ lutf-i Hakk'dan bâbımız
Lutfiyâ lutfetse Hakk bir köhne câmın cür'asın
Zevk-i dil nûr-i muhabbet yâr olur ahbâbımız
Alvarlı Efe Hâce Muhammed Lutfî
Kaddesallahu Sırrahu'l-Âlî