Talebkâr-ı Visâl-i Yâr Olan Kesret-şi'âr Olmaz
22 Nisan 2023 tarihinde yayınlanmıştır.
NUTK-İ ŞERÎF
Talebkâr-ı visâl-i yâr olan kesret-şi'âr olmaz
Belî mümkün değil kesretde dilber der-kenâr olmaz
Gönül bâzın uçur himmet kanadıyla dime zinhâr
Bu sayd-gâh içinde ol hümâ-pervâz şikâr olmaz
Hakîkat sırrına tâlib isen sûret-perest olma
Ümmîd-i sâhil itmez bahr-ı vahdetde kenâr olmaz
Serâser 'âlemin halkı olup şûrîdesi anın
Ol gül-ruhsâr içün bülbül mü var gülşende zâr olmaz
Sezâyî kâf-ı istiğnâ içinde şimdi ankâdır
Bilir adın cihân içinde çok zâtına yâr olmaz
Hasan Sezâyî
Kuddise Sırruh