Tâlib-i Hakk Olsa Bir Kes Kârı Zikrullah Olur
16 Nisan 2024 tarihinde yayınlanmıştır.
NUTK-İ ŞERÎF
Tâlib-i Hakk olsa bir kes kârı zikrullah olur
Zâyi' itmez gayra ömrün her işi Allah olur
El çeker ol gayr-ı Hakk'dan pâk ider dil hânesin
Nefsin idrâk ider âhir kalbi beytullah olur
Girmeyenler işbu kalbe olmadı 'âlemde çün
Kurb-i Hakk'a dâhil olmaz münkir-i gümrâh olur
Kim tahâret bulmamakdır dûr olup ehlinden ol
Yunmamışdır kalbi anın sanma ol bir şâh olur
Kaldı ahfâda müsebbib sevdi ol esbâbını
Tapdı gayra mü'min olmaz 'âsî 'abdullah olur
Hoş müessir sözlerin var kim okursa Nakşiyâ
Gayra kalmaz ihtiyâcı Hızr ile hem-râh olur
Nakşî Akkirmânî
Kuddise Sırruh