Tarik-i Aşka Gir Ehl-i Hudâ Ol
4 Ağustos 2020 tarihinde yayınlanmıştır.
NUTK-İ ŞERÎF
Tarîk-i 'aşka gir ehl-i Hudâ ol
Gönül gel lâyık-ı her i'tilâ ol
Dilersen dehrde âzâde-serlik
Gurûr-i câhı terk eyle gedâ ol
Sakın izhârdan ağyâra hâlin
Yine sen derdine çâre-resâ ol
Cidâl-i kıyl ü kâle yok nihâyet
Ricâlullah ile hal-âşinâ ol
Çekil 'izzetle 'uzlet kûşesinde
'Azîz ol derd-i şöhretden cüdâ ol
Dokunmaz leb lebe Remzî okurken
Dehân-ı dilbere nükte-nümâ ol
Ahmed Remzi Dede
Kuddise Sırruh