MuzafferOzak.com (Türkçe)

NUTK-İ ŞERÎF

Tasarruf kabzasına 'âlemi bilcümle aldın tut

Cihan durdukça bezm-i 'âlem-i fânîde kaldın tut

Nefîr-i rıhlet âhir çalınır 'âlemde hâzır ol

Sadâsına anın gûş-i şu'ûru sen de saldın tut

Garîb ü bî-nevâ olsan da ey dil sabr ile kendin

Fenâ bezmine şâh olup safâ kûsunu çaldın tut

Olursun nüktedân-ı 'ârifân kân-ı gühersin sen

Ma'ârif bahrine gavvâs olup gûyâ ki daldın tut

Nazîrâ nefy ü isbât-ı şuğlü eyleyüp dâim

'Adû-yı nefsini şemsîr-i illâ ile çaldın tut

Nazîr İbrâhîm Efendi

Kuddise Sırruh

Tasarruf Kabzasına Âlemi Bilcümle Aldın Tut