MuzafferOzak.com (Türkçe)

NUTK-İ ŞERÎF

Tekye-gâh-ı 'âlem içre merd-i himmet kalmadı

Ne şerî'at ne tarîkat ne hakîkat kalmadı

Âh yârân-ı safânın gitdi âb-ı rûyi hep

Kendi 'aybın fehm ider sâhib-i basîret kalmadı

Tayy olupdur defter-i ma'nâ gibi erbâb-ı Hakk

Nüsha-i 'ilm-i ilâhîden rivâyet kalmadı

Hep şakî oldu hevâ-yı nefs ile ashâb-ı zühd

Sôfiyân-ı 'asrda sâhib-i se'âdet kalmadı

Devlet-i dünyâ içün hep cümle 'âlem cân verir

Hakk içün bir sa'y ider ehl-i mürüvvet kalmadı

Pâdişâh ile gedâsı oldu yeksân 'âlemin

Zâhir u bâtında bir ferd içre gayret kalmadı

Hakkıyâ ehl-i hüner 'âlemde kimdir işbu gün

'Ayb ile doldu cihân bir gayrı hâlet kalmadı

İsmâil Hakkı Bursevî
Kaddesallahu Sırrahu'l-Âlî

Tekye-gâh-ı Âlem İçre Merd-i Himmet Kalmadı