Ten Gülşeninde Cân Kuşu Mihmân Olup Gider
19 Mart 2023 tarihinde yayınlanmıştır.
NUTK-İ ŞERÎF
Ten gülşeninde cân kuşu mihmân olup gider
Bülbül gibi ki bâğda nâlân olup gider
Mahrem-serây-ı 'aşka gelen yâr elinden âh
Sâgar misâli kanlar içer kân olup gider
Cân revzeninde pâyına yâkûtlar saçar
Ey nûr-ı díde sanma başım kân olup gider
Bu bâğ-ı gamda sînesine kim ki sardı dâğ
'Ömrü bahârı bir gül-i handân olup gider
Beyt-i cemâlin itmeğe her gün tavâf Şems
Kanlar döker gelir şerer-efşân olup gider
Osman Şems Efendi
Kaddesallahu Sırrahu'l-Âlî