Tennûr-i Dile Od Yakup Âh-ı Şererimden
22 Eylül 2017 tarihinde yayınlanmıştır.
ÂH
Tennûr-i dile od yakup âh-ı şererimden
Bir özge kebâb mâ-hazar etdim ciğerimden
Derd ehline nûş etmek içün eyledim ihzâr
Bezm-i gama iki şişe mey dîdelerimden
Şeb-tâ-be-seher zârım o yâre eser etmez
Lerzîde cihân gerçi ki âh-ı seherimden
Âvâze-i hicr-i elemi düşeli dehre
Mâtem-zededir ins ü melek bu kederimden
Dil-beste-i zülf-i siyehem yine Sezâyî
Sevdâ-yı cünûn gitmedi bir kerre serimden
Hasan Sezâyî Hazretleri, bu nutkunu kızının vefâtı üzerine îrâd buyurmuşlardır.
NAĞME-İ AŞK
NAĞME-İ AŞK