Terk Eyledi Ağyârı Gönül Yâra Yetişdi
3 Şubat 2024 tarihinde yayınlanmıştır.
NUTK-İ ŞERÎF
Terk eyledi ağyârı gönül yâra yetişdi
Ol vakt ki sermest şarâb-dâra yetişdi
Uğradı harâbâta gezerken yolu nâgâh
Bir mug-beçe bir kâse-i serşâra yetişdi
Bahs eylemez erbâb-ı gönül çün ü çirâdan
Bir câm ile kim nükte-i esrâra yetişdi
Gark-âbe-i girdâb-ı kerâmet nice olmaz
Ol kim nazar-ı yâr-ı keremkâra yetişdi
Ger vâkıf-ı esrâr ola gönlüm ne 'aceb
Ol gamze-i dildâr-ı haberdâra yetişdi
Rütbe-i şehâdet nice bulmaz dil-i pür-hûn
Çün kim nazar-ı dîde-i hun-bâra yetişdi
Serşâr mey-i mihrdir ol kâse-i ser kim
Hâk-i kadem-i Ahmed-i Muhtâr'a yetişdi
Erbâb-ı hüner ehl-i safâdan ırağ olmaz
Ol kim nazar-ı Hayder-i Kerrâr'a yetişdi
Sâkî-i ezel eyledi peymâneyi serşâr
Nevbet ki Nigârî-i kadeh-hâra yetişdi
Seyyid Hamza Nigârî
Kuddise Sırruh