Terkîb Olundu Çünki Hevâ Hâk ü Nâr ü Âb
15 Nisan 2020 tarihinde yayınlanmıştır.
NUTK-İ ŞERÎF
Terkîb olundu çünki hevâ hâk ü nâr ü âb
İnsân-ı kâmil oldu ana ref' olup hicâb
Hullet ki nârı nûr ede berd ü selâm olur
'Âşık ki sâdık ola ana 'azb olur 'azâb
Bahr-i 'atâsı nehr ede hâşâ ki sâili
Derd-i derûna şâfî iken lutf ile cevâb
Vaslın hevâsına gezer âvâre ebr ü bâd
Pervâne şem'-i 'aşkına eflâk ü âfitâb
Kesret tılısmı mâni' olup genc-i vahdete
Hayretde kaldı hasret ile nice şeyh ü şâb
Ref' et hicâbı lutf et enâniyyeti gider
Gayb-ı hakîkat açıla tâ ola feth-i bâb
Bâkî hayâta ermeğe ihsânın isteriz
Lutf et Hüdâyî bendene yâ Mâlike'r-rikâb
Azîz Mahmûd Hüdâyî
Kaddesallahu Sırrahu'l-Âlî