Teşne-i Bahr-ı Muhît Olan Dile Reş Neylesin
20 Şubat 2024 tarihinde yayınlanmıştır.
NUTK-İ ŞERÎF
Teşne-i bahr-ı muhît olan dile reş neylesin
Tûtî-i sükker-feşân üftâdeye keş neylesin
Cür'a-i sahbâ-yı zâtı nûş ider temkîn bulan
Âfitâb olan gönül telvîn-i meh-veş neylesin
'Ârifin esrârı settâr olduğun itme 'aceb
Tan eder zâhid dinilen dîv-i serkeş neylesin
Âdem'in vechinde Hakk'ı görmedi İblîs la'în
Sûretâ gördü ki bir şekl-i münakkaş neylesin
Cân Niyâzî ehl-i 'aşka nâzikâne va'z ider
Ehl-i nefs olan işitmez dil müşevveş neylesin
Niyâzî Mısrî
Kuddise Sırruh