Tohm-i Pinhânında Peydâdır Nice Bâğ-ı Cinân
17 Haziran 2023 tarihinde yayınlanmıştır.
NUTK-İ ŞERÎF
Tohm-i pinhânında peydâdır nice bâğ-ı cinân
Nokta-i pinhânına bak kim olur şahs-ı revân
Nice evlâdı var efkârın gelirler ba'z-ı merg
Cânın etrâfında cümle cem' olurlar bî-gümân
Hoş havâtırdan güzel hûydan doğar vildân u hûr
Hem doğar bed-hûydan evhâm ü şeyâtîn-i yamân
Sırr-ı endîşe mühendisdir buyût ü hoş-kusûr
Sırr-ı takdîr-i ezel hem olmuş ervâh-ı cihân
'Akl-ı 'âlimdir delîli nakl olur yâhud kıyâs
'Aşka vermişdir basîret âfitâb-ı lâ-mekân
Şems-i lâ-şarkıyyetün oldur velâ-garbiyye
Kim gerek bu şark u bu garba zemîn ü hem zamân
Bu zemîn u bu zamân bir beyzâdır ki onda mülk
Muzlim u şikeste-perdir hem hakîr ü müstehân
Küfr ü îmândır bu beyzâ içre çün zerd ü beyâz
Küfr ü dîn fânîdir olsa mürg-i vahdet per-feşân
Hakkı çün biz bu zemîn ü bu zamândan uçarız
Fânî olmakdan emîn uçmakdayız biz câvidân
Erzurumlu İbrâhim Hakkı
Kuddise Sırruh