MuzafferOzak.com (Türkçe)

NUTK-İ ŞERÎF

Tutdu iklîm-i derûnu serbeser Dârâ-yı 'aşk

Etdi vîrân milket-i ma'mûru istîlâ-yı 'aşk

'Âlem-i lâhûtdan tâ 'âlem-i nâsûta dek

Mest ü bî-hûş eylemiş her zerreyi sahbâ-yı 'aşk

Etdi hayrân bir niçe 'allâmeyi dîbâcesi

Halli nâ-kâbil mu'ammâdır hemân ma'nâ-yı 'aşk

Bulmamışdır intihâsın rûz-ı hilkatden beri

Gerçi 'âşıklar seyâhat-gâhıdır sahrâ-yı 'aşk

Sâhil-i imkâna atdı lâ-yu'ad dür-dâneler

Es'adâ çok cûşa geldi şevk ile deryâ-yı 'aşk

Mehmed Esad Dede

Kuddise Sırruh

Tutdu İklîm-i Derûnu Serbeser Dârâ-yı Aşk