Ummân-ı Kerem Sarf Olıcak Halk-ı Cihâne
13 Temmuz 2022 tarihinde yayınlanmıştır.
NUTK-İ ŞERÎF
'Ummân-ı kerem sarf olıcak halk-ı cihâne
Rahmet-i Rahîm 'âşık idi ehl-i îmâne
Kerem-i Kerîm bahrine pâyân bulunur mu
Sarf-ı kereme halk eder Allah bahâne
Neyyir-i mu'azzam gibi dilde ola himmet
Himmeti ile dâhil ola dârü'l-emâne
Gülbe-i gönülde doğa envâr-ı muhabbet
Muhabbet ile erişe hurşîd-i nihâne
Lutfî gibi pejmürde perîşâne duâ kıl
Mevlâ seni idhâl ede lutfuyla cinâne
Alvarlı Efe Hâce Muhammed Lutfî
Kaddesallahu Sırrahu'l-Âlî