Uş Gene Geldim Ben Bunda Sır Sözün Ayân Eyleyem

4 Mayıs 2020 tarihinde yayınlanmıştır.

NUTK-İ ŞERÎF

Uş gene geldim ben bunda sır sözün 'ayân eyleyem

Bir söz ile yeri göğü cümlesin hayrân eyleyem

Diler isem ten eyleyem diler isem cân eyleyem

Gönlümü Tûr cânım Mûsâ 'aşkı Süleymân eyleyem

Dirlik bana karşu gele ben dirliğin boynun uram

Ölüm eğer vâcib ola cânımı kurbân eyleyem

'Îsâ ki Meryem'e varır şöyle varam ben ol Hakk'a

Fazlı yolunda ol Hakk'ın 'âlemi handân eyleyem

Azrâîl ne kişi durur kasd edebile cânıma

Ben anın kasdını gene kendüye zindân eyleyem

Yâ Cebrâîl kim ola kim hükm ede benim âhuma

Yüz bin Cebrâîl gibiyi bir demde perrân eyleyem

Bu bizden önden gelenler ma'nâyı pinhân dediler

Ben anadan doğmuş gibi geldim ki 'uryân eyleyem

Yûnus senin gönlün evi Hakk varlığı dopdoludur

Uş geldim ki 'âşıklara varlıkdan ihsân eyleyem

Yûnus Emre

Kuddise Sırruh