Usandım Bu Harâb-âbâddan Kâşâneden Geçdim
11 Nisan 2018 tarihinde yayınlanmıştır.
NUTK-İ ŞERÎF
Usandım bu harâb-âbâddan kâşâneden geçdim
Bekâya yüz çevirdim bu fenâ vîrâneden geçdim
İki dervâzeli kervânsaraya dehri benzetdim
Uyandım hâb-ı gafletden ben ol kârhâneden geçdim
Serâ-yı nâbecâdan el çeküp hânem harâb etdim
Uçurdum mürg-i gönlüm semt-i yâre lâneden geçdim
Zebûn-i 'aşk olan dîvânelerle hem-nişîn oldum
Mehabbetden haberdâr olmayan dîvâneden geçdim
Mehabbet neş'esiyle mest olup maksûda erdim
Taşa çaldım küdûret câmını peymâneden geçdim
Yanar 'aşka ezelden 'âşık-ı sâdıklar gördüm
Anınçün şem'-i şebde per yakan pervâneden geçdim
Eğer 'âlem eğer âdem kamûsu bir vesîleymiş
Nigâhî zâtımı bildim pederle âneden geçdim
Diyarbakırlı Nigahi
Kuddise Sırruh