Uyuma Tıfl Misâli Bu Mehd-i Cismde Sen Cân
26 Aralık 2022 tarihinde yayınlanmıştır.
NUTK-İ ŞERÎF
Uyuma tıfl misâli bu mehd-i cismde sen cân
Ki âfitâb-ı kıyâmet göründü revzeneden
Gel uç bu mezbeleden mürg-i zeyrek ol
Ki âşiyân-ı hatardır bu dâm-gâh-ı mihen
Gönül ki nûr-ı muhabbetle oldu mâlâmâl
Hayâl ü zulmet-i gayr edemez anı mesken
Çü âfitâba mukâbil tutarsan âyîneyi
Görünmez onda bu sûret ne zişt ü ne ahsen
Ger âhenîn ise dil saykal eyle hayret ile
Ki kâbil oldu ki âyîne ola bu âhen
Kuyûd-ı nefs ile bend olma tenden âzâd ol
Ki bülbülün yeri gülşendir istemez külhen
Sözünde bûy-i mey-i aşk-ı Hakk var ey Hakkı
Ne olsa zarfda oldur hemân terahhuş eden
Erzurmlu İbrâhim Hakkı
Kuddise Sırruh