Vâr İse Sende Ger Âr u Nâmûs
29 Nisan 2022 tarihinde yayınlanmıştır.
NASÎHAT
Vâr ise sende ger 'âr u nâmûs
Nefs-i şûma sakın olma mahbûs
Ne revâdır ki olasın her bâr
Ekl ü şürb etmede misl-i câmûs
'Arz olur pîre-zen dehri müdâm
Türlü tezyîn ile hemçü tâvûs
Şem'a-i 'ömrüne bir gün der püf
Söğünür niteki şem'-i fânûs
Tutalım kuvvet ile olmuşsun
Rüstem ü Sâm u Cem ü Keykâvûs
Cân u dil kişverini gâret içün
Eksik olmaz 'akabince câsûs
Bu gün îmânını hıfz et Fazlî
Yârın olmayasın anda me'yûs
Seyyid Osman Fazlî Efendi
Kaddesallahu Sırrahu'l-Âlî