Varak-nüvis-i Hayâl İle Kıyl ü Kâl Edelim
16 Temmuz 2020 tarihinde yayınlanmıştır.
Varak-nüvis-i hayâl ile kıyl ü kâl edelim
Lisân-ı hâme-i hasretle nakl-i hâl edelim
Kitâbhâne-i dehrin cevâb-ı müşkilini
Müderris-i reh-i tahkîkden suâl edelim
Civân-ı zevk-i sivânın tıflı olmayalım
Bu yolda pîr-i dili pîr-i kemâl edelim
Firîb-i kalb-i sivâ-fikrete kapılmayalım
Hayâl-bâzî-i evza'ını hayâl edelim
Siyahkârî-i 'isyândan şikâyet edüp
Huzur-i Hazret'e her lahza arz-ı hâl edelim
Sürâdikât-ı serây-ı sevâbı kat' edelim
Rızâ-yı perde-küşâ-yı dürr-i cemâl edelim
Neccarzade Rıza Efendi
Kuddise Sırruh