Vasf-ı Zâtınla Seni Eyledi Hakk Çün A'lâ
5 Eylül 2024 tarihinde yayınlanmıştır.
NA'T-I ŞERÎF
Vasf-ı zâtınla seni eyledi Hakk çün a'lâ
Seni vasf itmede kâsır olur elbet imlâ
Hil'at-i na'tine cehd itse de ger vehm ü hayâl
Kadd-i evsâfına şâyeste bulunmaz kâlâ
Zâtını akdem hâtem menşe'-i 'âlem kıldı
Neş'e-yâb oldu vücûduñ ile pest ü bâlâ
Merkez-i dâire-i remz-i vücûb u imkân
Eyledi zâtını hikmetle Cenâb-ı Mevlâ
Pest ü bâlâya çü senden irişir feyz-i Hudâ
Mahzar-ı mansıb-ı lutfunda olur mu lâ lâ
Dil-i sevdâ-zede vaslın bu hayâl ile umar
Pest ü kem-kadre revâ ola mı kadr-ı bâlâ
Hücre-i vaslın açılmaz mı Salâhî'ye meded
Hâk-i firkatde yüz üzre sürünüpdür hâlâ
Abdullah Salahaddîn Uşşâkî
Kaddesallahu Sırrahu'l-Âlî