Vech-i Pâkin Dilde Etdim Beyt-i Rahmân İttihâz
19 Eylül 2020 tarihinde yayınlanmıştır.
NUTK-İ ŞERÎF
Vech-i pâkin dilde etdim beyt-i Rahmân ittihâz
Farz-ı rükn-i 'aşk hatîmi içre devrân ittihâz
Ol tecelligâha ihrâm-ı tecerrüdle girüp
Lâ te'ayyün mülküne sırrımla tayrân ittihâz
Keşf edüp etvâr-ı seb'ayla 'urûc esrârını
Cezbe-i sa'yi kılup vâdî-i 'irfan ittihâz
Sûret-i sırda enâniyyet hicâbı ref' içün
Kurbet-i evsâfına mahv ile kurbân ittihâz
Mâsivâ recminde dil âyînesi tathîr olup
Şems-i vahdet pertevini mihr-i tâbân ittihâz
Tâir-i lâhût olup ankâ-yı sırrım Sâmiyâ
Eyledim hulkiyyet içre Hakk'ı seyrân ittihâz
Abdurrahmân Sâmî Saruhânî
Kaddesallahu Sırrahu'l-Âlî