Verâ-yı Perdeden Varup Ne Söyler İşbu Mahcûbun
24 Şubat 2021 tarihinde yayınlanmıştır.
NUTK-İ ŞERÎF
Verâ-yı perdeden varup ne söyler işbu mahcûbun
Lisân-ı arzı maktû'dur bilesin 'abd-i ma'yûbun
Cemâl-i zülfüne peyvend olan 'uşşâka ne çâre
Boyun urganda vü desti mukayyed ola maslûbun
Cemâlin pertevin duysa dağılır 'akl-ı bî-tâkat
Perîşânlıkdan özge pes şey'i var cünd-i mağlûbun
Tarîk-i 'aşkda 'azb ile 'azâbın farkın etmezler
Safâ bilmek gerek her ne murâdı olsa mahbûbun
Danışdı 'akl ile lâkin hilâfın etdi 'ârifler
Sözüne i'timâd olmaz denî kallâş u maklûbun
Hevâ-yı nefse baş koşan ne bilsin tıfl-ı ma'nâdan
Ne söz var fuhûl içinde 'ınnîn ile mecbûbun
Hudâyâ Şemsî'nin rûyun tapun kandaysa kıl anda
Gözü matbahdadır lâbüdd ezelden merd-i merbûbun
Şemseddîn Sıvâsî
Kuddise Sırruh