MuzafferOzak.com (Türkçe)

NUTK-İ ŞERÎF

Vücûdun âteş-i 'aşk-ı ilâhîde eritdin mi

'Aceb âyîneni sen de küdûretden arıtdın mı

Ticâret eyledin mi işbu bâzâr-ı mahabbetde

Veyâhud yok yere sermâye-i 'ömrün çürütdün mü

Kıtâr-ı ehl-i 'aşk idüp güzer tâ menzil-i vasla

Sen âyâ yolda mı kaldın u yâ esbin yürütdün mü

İkilik perdesin hark eyledin mi dest-i himmetle

Makâm-ı 'ayna irdin mi şühûdun ol bir itdin mi

Bu cismi Hakkıyâ bezl eyledin mi yoluna cânın

Bu cânından da el yuyup anı 'ayn-ı sır itdin mi

İsmâil Hakkı Bursevî

Kaddesallahu Sırrahu'l-Âlî

Vücûdun Âteş-i Aşk-ı İlâhîde Eritdin mi