Yâ Habîballah Kaçan Kalkar Cemâlinden Nikâb
20 Ocak 2019 tarihinde yayınlanmıştır.
NA'T-I ŞERÎF
Yâ Habîballah kaçan kalkar cemâlinden nikâb
Mahv olup nûru zıyâ salmaz cihâna âfitâb
Sanki fânûs-ı hayâlîdir hıyâm-ı âsmân
Dâimâ şem'-i cemâlinle döner ey mâhitâb
'Âlem ü âdem müzeyyen nûr-i zâtınla senin
Zikr-i evsâf-ı cemîlin ile memlû dört kitâb
Ol tecellî eyleyen vechinde ey mir'ât-ı Hakk
Sûret-i Rahmân dürür Allahü a'lem bi's-savâb
Nûş iden 'uşşâka la'linden kelâmın câmını
Neş'e virmez câm-ı cemden içilen la'l-i müzâb
Sırr-ı 'aşkı feyz idelden Nûrî'ye feyyâz-ı gayb
Cûşa geldi şevk-i hüsnünle döner çün âsiyâb
Şeyh Abdülehad Nûrî
Kuddise Sırruh