Yâ İlâhî Aşk Elinden Olmadım Bir Kez Emîn
19 Ocak 2022 tarihinde yayınlanmıştır.
NUTK-İ ŞERÎF
Yâ ilâhî 'aşk elinden olmadım bir kez emîn
Ağlatup her gâh gâhi akıdır gözüm nemin
Key za'îfem kapuna geldim garîbem key hakîr
Çâresin senden umaram işbu zahmın merhemin
Bende benlik kalmadı hep cümlesi kıldı firâr
Bu gönül mülkin halâs etdi yudu 'âr nâmusun
Hasret ü nâr-ı harâretin beni kıldı za'îf
Fazlına bel bağladım kaldım yâ Rabbe'l-'âlemîn
Sen hidâyet kıl bu yolda cân u bâş olsun fedâ
Hürmetine kurbetine sâdıku'l-va'dü'l-emîn
Ey Hudâyâ senden artuk hâlıkım yok bî-gümân
İşbu resm ile ki her bir derdime sensin zamîn
Niceler eydür ki dünyâ niceler eydür bekâ
Bu Sinân Ümmî hemîşe dâim Allah der hemîn
Elmalılı Sinân Ümmî
Kuddise Sırruh