Yâ İlâhî Hâb-ı Gafletden Uyar Çeşm-i Dilim
18 Ocak 2024 tarihinde yayınlanmıştır.
NUTK-İ ŞERÎF
Yâ ilâhî hâb-ı gafletden uyar çeşm-i dilim
Şîşe-i sâfî gibi pür-nûr kıl âb u gilim
Dûr kılma bendeni hergiz harîm-i kurbdan
Dâmen-i maksûda bulsun dest-res tâ ki elim
Feyzin ile mezra'-ı hâlim bula neşv ü nemâ
Hırmen-i 'ömrümde zîrâ yokdur aslâ hâsılım
Düşmüşem bu dâr-ı gurbetde ziyâde vahşete
Mûnisim ol râh-ı vaslında bana göster ilim
Derd ü mihnet yayını çün çekmeğe yoḳ tâkatim
Bu emânet bârı evcinden bükülmüşdür belim
Hakkıyâ doğrandı tîğ-i gamla bağrım pâresi
Belki her bir pâresi oldu nice yüz bin dilim
İsmâil Hakkı Bursevî
Kaddesallahu Sırrahu'l-Âlî