Yâ İlâhî Olmuşuz Garkâb-ı Deryâ-yı Günâh
17 Haziran 2024 tarihinde yayınlanmıştır.
NUTK-İ ŞERÎF
Yâ ilâhî olmuşuz garkâb-ı deryâ-yı günâh
N'ola gözyaşın revân idüp idersin her gün âh
Serdi-i bâd-ı hevâ ile perîşân hâlimiz
Sana kaldı işimiz ey rahmet ıssı pâdişâh
Hâb-ı gafletden geçer nergis gibi evkâtımız
Cân gözün dîdârın ile eylegil pür intibâh
Dil senin âyîne-i envârın olmuşken meded
Olmasın hergiz küdûrât-ı sivâdan símsiyâh
Ne bilsin n'itsün kebûter gibi dil âvâresi
Yakdı cânın bu hevâda nâr-ı gam bí-iştibâh
Hakkı-i bî-çârenin döndür yüzün senden yana
Çün ki sensin kıblegâh-ı dil sanadır doğru râh
İsmâil Hakkı Bursevî
Kaddesallahu Sırrahu'l-Âlî