Yâ İlahî Rahmet Eyle Kuluna Zor Eyleme

10 Haziran 2020 tarihinde yayınlanmıştır.

MÜNÂCÂT

Yâ ilahî rahmet eyle kuluna zor eyleme

Rahmetinle nazar eyle kapundan dûr eyleme

'Afv eyle cürm ü hatâsın yerini nâr eyleme

Kapundan gayrı kapuya bizi muhtâc eyleme

Halķ edüp bizi vücûda getürüp lutf eyledin

Kelâmını gönderüp emrinle me'mûr eyledin

Bî-kıyâs u bî-'aded ni'metlerinle toyladın

Kapundan gayrı kapuya bizi muhtâc eyleme

Cümle mevcûdât senindir gayrıyı pes neylerim

Her ne müşkil olur ise kapuna 'arz eylerim

Kimse bilmez hâlimi ya ben kime şerh eylerim

Kapundan gayrı kapuya bizi muhtâc eyleme

Evvel âhir sırr u cehrim sen bilirsin hâlimi

Yönümü döndür sana sen doğru eyle yolumu

Rızândan ayırma yâ Rab muvaffak kıl a'mâlimi

Kapundan gayrı kapuya bizi muhtâc eyleme 

Yüzümü dergâha tutdum gayrıdan çekdim elim

Bildiren sensin Hudâyâ söyleten sensin dilim

Karîbî benden zâ'ifdir halleyle her müşkilim

Kapundan gayrı kapuya bizi muhtâc eyleme

Dede Ömer Karîbî

Kuddise Sırruh