Yâ İlâhî Rahmetin Bâbın Küşâd Et Kıl Ayân
26 Mayıs 2020 tarihinde yayınlanmıştır.
MÜNÂCÂT
Yâ ilâhî rahmetin bâbın küşâd et kıl 'ayân
Bakma 'âsî kullarız isyânımız elden nihân
Oldu Settâru'l-'uyûb ismin senin biz 'âsiyân
Eyledik cürm ü hatâlar bî-nihâyet her zamân
Lîk Gaffâru'z-zünûb adın penâh etdik her ân
Eyleme rüsvâ eyâ Gâfir cihân ender cihân
Âlimü's-sırru'l-hafiyyâtsın hafîsin bî-mekân
Sen azîmü'ş-şân bu müznib kulların za'fı beyân
Rabbi "lâ tahmil 'aleynâ ısran" ey âlî-şân
"Lâ tüâhiznâ in nesînâ ev ahta'nâ" hemân
Yandı firkat nârına bu cism ü cân Allah amân
Hasretinle dembedem büryân gönülden el-amân
Halk edüp elhamdülillah bizi Rabbü'l-'âlemîn
Ma'rifet tahsîl içün koydu bu zindâna rehîn
Yâ Rahîm Rahmân adınla doldu çün ki her zemîn
Ruhsatın Yâ Melik ızhâr eyledin tâ yevmü'd-dîn
Gaflet ehline bu esfelden de va'din esfelîn
Eyle tevfîkin refîk "iyyâke na'büdü nesta'în"
"İhdinâ" Yâ Rabb "sırata'l-müstakîm" en-nâdimîn
Nâil-i in'âm-ı bî-pâyânın olsun sâlimîn
Kılma "mağdûbi 'aleyhim"den "vele'd-dâllîn" hemîn
Zâtına vâsıl kıl âmîn yâ mücîbe's-sâilîn
Halk edüp elhamdülillah bizi Rabbü'l-'âlemîn
Ma'rifet tahsîl içün koydu bu zindâna rehîn
Yâ Rahîm Rahmân adınla doldu çün ki her zemîn
Ruhsatın Yâ Melik ızhâr eyledin tâ yevmü'd-dîn
Gaflet ehline bu esfelden de va'din esfelîn
Eyle tevfîkin refîk "iyyâke na'büdü nesta'în"
"İhdinâ" Yâ Rabb "sırata'l-müstakîm" en-nâdimîn
Nâil-i in'âm-ı bî-pâyânın olsun sâlimîn
Kılma "mağdûbi 'aleyhim"den "vele'd-dâllîn" hemîn
Zâtına vâsıl kıl âmîn yâ mücîbe's-sâilîn
Yandı firkat nârına bu cism ü cân Allah amân
Hasretinle dembedem büryân gönülden el-amân
Cinni insân ile kıldın 'âbidîn ü 'âbidât
Kadri âlî inse hâs etdin ve cinni sâfilât
Hil'at-i "innâ aradnâ" ile "kerremnâ" berât
Hâmil-i haml-i emânet birle kâim beyyinât
"Küntü kenz"in gencini fâş etmeğe "ve'l-mürselât"
Nefs-i bed-hû câhil üzre eyledin "fe'l-mülkiyât"
Ülfet-i cebriyyenin çün hâsılı "fe'l-mûriyât"
Yandı beyninde emânet hamline "fe'l-âsıfât"
Lîk cân içre anı hıfz etdiği çün "sâbihât"
Yakdı ateş çün o cânı yakdı ey "fe'l-fârikât"
Yandı firkat nârına bu cism ü cân Allah amân
Hasretinle dembedem büryân gönülden el-amân
İsmim ey Allahım oldu çün ki Rahmâni'r-Rahîm
Cinni insân ile kıldın 'âbidîn ü 'âbidât
Kadri âlî inse hâs etdin ve cinni sâfilât
Hil'at-i "innâ aradnâ" ile "kerremnâ" berât
Hâmil-i haml-i emânet birle kâim beyyinât
"Küntü kenz"in gencini fâş etmeğe "ve'l-mürselât"
Nefs-i bed-hû câhil üzre eyledin "fe'l-mülkiyât"
Ülfet-i cebriyyenin çün hâsılı "fe'l-mûriyât"
Yandı beyninde emânet hamline "fe'l-âsıfât"
Lîk cân içre anı hıfz etdiği çün "sâbihât"
Yakdı ateş çün o cânı yakdı ey "fe'l-fârikât"
Yandı firkat nârına bu cism ü cân Allah amân
Hasretinle dembedem büryân gönülden el-amân
İsmim ey Allahım oldu çün ki Rahmâni'r-Rahîm
Yâ Ehad gâyet Samed'sin lem-yelid yûled Kadîm
Olmadı küfvün eyâ Hallâk u Rezzâk u 'Alîm
Sen keremler kânısın bizler gedâyız Yâ Kerîm
Biz za'îf kullar hatâsın mu'terif kemter leîm
Dönmüşüz dergâhına estağfirullahe'l-azîm
Setr edüp 'ısyânımız göster sırâta'l-müstakîm
Cürmümüz hem 'afvedüp zikrinle dâim kıl mukîm
Nefsimiz şûm eyleyüp hem istedik hulk-i 'azîm
Ey amân bilmez figân duymaz meded kılmaz rakîm
Yandı firkat nârına bu cism ü cân Allah amân
Hasretinle dembedem büryân gönülden el-amân
Yâ Müfettih hayrı feth et küfl-i zindân olma gel
Âh u efgân eyledikçe şâd u handân olma gel
Bî-vefâ resmin tutup bed-nâm u nâkâm olma gel
Kıl terahhum mur senindir çün Süleymân olma gel
'Âşıka bir seng-dil bî-rahm u bî-cân olma gel
Va'delerle aldayup mânend-i sıbyân olma gel
Hulf-i va'd etmem dedin yer yer perîşân olma gel
Cevr ü zulmü çok kılup sonra peşîmân olma gel
Haddi yok kibrinle dâim kisr-i fermân olma gel
Gel edek Aydî Ayânî gayri pünhân olma gel
Yandı firkat nârına bu cism ü cân Allah amân
Hasretinle dembedem büryân gönülden el-amân
Olmadı küfvün eyâ Hallâk u Rezzâk u 'Alîm
Sen keremler kânısın bizler gedâyız Yâ Kerîm
Biz za'îf kullar hatâsın mu'terif kemter leîm
Dönmüşüz dergâhına estağfirullahe'l-azîm
Setr edüp 'ısyânımız göster sırâta'l-müstakîm
Cürmümüz hem 'afvedüp zikrinle dâim kıl mukîm
Nefsimiz şûm eyleyüp hem istedik hulk-i 'azîm
Ey amân bilmez figân duymaz meded kılmaz rakîm
Yandı firkat nârına bu cism ü cân Allah amân
Hasretinle dembedem büryân gönülden el-amân
Yâ Müfettih hayrı feth et küfl-i zindân olma gel
Âh u efgân eyledikçe şâd u handân olma gel
Bî-vefâ resmin tutup bed-nâm u nâkâm olma gel
Kıl terahhum mur senindir çün Süleymân olma gel
'Âşıka bir seng-dil bî-rahm u bî-cân olma gel
Va'delerle aldayup mânend-i sıbyân olma gel
Hulf-i va'd etmem dedin yer yer perîşân olma gel
Cevr ü zulmü çok kılup sonra peşîmân olma gel
Haddi yok kibrinle dâim kisr-i fermân olma gel
Gel edek Aydî Ayânî gayri pünhân olma gel
Yandı firkat nârına bu cism ü cân Allah amân
Hasretinle dembedem büryân gönülden el-amân
Aydî Baba
Kuddise Sırruh