Yâ Rab Kerem Et Derdimi Dermâna Yetişdir
9 Mayıs 2023 tarihinde yayınlanmıştır.
MÜNÂCÂT
Yâ Rab kerem et derdimi dermâna yetişdir
Bu yolda benim 'ıtkımı fermâna yetişdir
Yâ Rab derûnum derdini bin türlü füzûn et
Ey şân-ı kerem katremi 'ummâna yetişdir
Yâ Rab dil-i vîrânemi kıl âh u enîngâh
Lutfunla gözüm sûret-i Rahmân'a yetişdir
Yâ Rab bu kadar Zât-ı Kerîm'in kereminden
Ver nûr-i 'aref dîdemi seyrâna yetişdir
Yâ Rab ne diyem ben sana ey 'âlim ü dânâ
Bu Lutfî kulun lutf ile ihsâna yetişdir
Alvarlı Efe Hâce Muhammed Lutfî
Kaddesallahu Sırrahu'l-Âlî