Yâ Rab Meded
10 Ekim 2024 tarihinde yayınlanmıştır.
MÜNÂCÂT
Niçe bir nâr-ı elemde yanayım yâ Rab meded
Câm-ı feyzin sun bana tâ kanayım yâ Rab meded
Şem'-i 'aşkın itdi sûzân 'âkıbet bâl ü perim
Zinde kıl kim bir yanık pervâneyim yâ Rab meded
Şerbet-i vaslındadır ehl-i cünûn-ı 'aşka hûş
Niçe bir dîvâneyim uslanayım yâ Rab meded
Dest-i lutfunla 'imâret eylegil cân u dilim
Sadme-i kahrın ile vîrâneyim yâ Rab meded
Dir bu Hakkı bî-vücûd itdi beni seyl-i fenâ
Âsiyâb-ı 'aşka düşmüş dâneyim yâ Rab meded
İsmâil Hakkı Bursevî
Kaddesallahu Sırrahu'l-Âlî