Yâ Resûlallah Oldun Âdem-i Hakk
5 Mayıs 2022 tarihinde yayınlanmıştır.
NA'T-İ ŞERÎF
Yâ Resûlallâh oldun âdem-i Hakk
Ezelî vü ebedî hem-dem-i Hakk
Katrelerdir sana bu cân u cihân
Sensin işbu katarâta yemm-i Hakk
Leblerinden feyezân etdi senin
Teşnegân-ı cihâna zemzem-i Hakk
Olmasaydın sebeb-i feyz-i hayât
Nefh olunmazdı Âdem'e dem-i Hakk
Câ-yı bî-câya dek revân oldun
Senden özge kim ola mahrem-i Hakk
Hakkı'ya eyle bir tecellî kim
Keşf ola sırr-ı ism-i a'zam-ı Hakk
İsmâil Hakkı Bursevî
Kuddise Sırruh